റഹ്മത്തിന്റെ വാതിലുകൾ

ഭക്ത ഹൃദയ പ്രഭയുതിർ ന്നുവോ?

✨✨✨✨✨✨✨

 അഭൗമ ലോകത്തും അഭൗതികലോകത്തുമുള്ള റഹ്മത്തിന്റെ  വാതിലുകൾ എന്നത് ഒരു കാല്പനിക മനസ്സോടുകൂടിയാണ് പലരും കേൾക്കുന്നതും വിചാരിക്കുന്നതും., എന്നാൽ

ആ വാതിലുകളെല്ലാം സത്യമാണ്✨

☔ റയ്യാൻ എന്ന സ്വർഗ്ഗ വാതിൽ സത്യമാണ്. 

☔ ഹദീറത്തുൽ ഖുദ്‌സി ലെ കരുണാ കവാടം  സത്യമാണ്. 

 പക്ഷേ ,,,,

അതൊക്കെ തുറക്കപ്പെട്ടിട്ട്  എന്ത് കാര്യം? അതെവിടെയാണ് സ്വീകരിക്കപ്പെടേണ്ടത്? അതിലേക്ക് നമ്മുടെ ഹൃദയം ലിങ്ക് ചെയ്യപ്പെടേണ്ടത്  എങ്ങിനെയാണ്?  

ആ മനുഷ്യൻറെ ഹൃദയത്തിൻറെ ഒരു കവാടവും തുറന്നില്ലെങ്കിലോ?  എന്ത് കാര്യം...❓ 

😔യാതൊരു കാര്യവുമില്ല.  മനുഷ്യ ഹൃദയത്തിന്റെ കവാടങ്ങൾ പത്തെണ്ണം നോമ്പ് പത്തെണ്ണം കൊണ്ട്

തുറക്കപ്പെടുന്നെ

ങ്കിൽ മാത്രമാണ് ആത്മീയ പ്രമാണങ്ങൾ പറഞ്ഞ അഭൗതിക ദശ കവാടങ്ങൾ എന്ന മഹാ അനുഗ്രഹങ്ങൾക്ക് ഗുണമുണ്ടാക്കുന്നത്. 

💥

അപ്പോൾ മനുഷ്യൻറെ മാറ്റം സാധ്യമാകുന്നുണ്ടോ  നോമ്പിലൂടെ എന്നത് ശ്രദ്ധയോടെ പരിശോധിക്കേണ്ട ഒരു കാര്യമാകുന്നു.

 അതേസമയം ഇല്ല എന്നാണ് ഉത്തരം എങ്കിൽ അത് പരിഹരിക്കാൻ അനിവാര്യമായ അമലുകൾ നിർദേശിക്കാൻ ഉലമാ മാർഗ്ഗ ദർശകർക്ക്‌ കഴിയണം.🍒 

"അവനോട് സംസാരിക്കാൻ പോകേണ്ട;അവനു ദേഷ്യം കൂടുതലായിരിക്കും നോമ്പ് നോറ്റത് കൊണ്ടാണങ്ങിനെ!!"  എന്ന് വരെ പറയുന്ന വിരുദ്ധമായ സ്ഥിതിയിൽ ആണോ  ഉമ്മത്ത് ഉള്ളതെങ്കിൽ യഥാർത്ഥത്തിൽ ഈ റമദാൻ വെറും പട്ടിണി മാത്രമായി ഫലമില്ലാത്ത ഒന്നായിപ്പോവും🔥

അതേ സമയത്ത് തഖ്‌വ യുടെ റഹ്മത്ത്

 ഹൃദയത്തിൻറെ ബന്ധംങ്ങളായി എങ്ങനെയാണ് വരുന്നത് എന്നും ഹൃദയത്തിൽ  എങ്ങനെയാണ് ഈ തഖ്‌വ ഖുർആനിൽ പറഞ്ഞതും,  ഹദീസിൽ പറഞ്ഞ റഹ്മത്ത് എന്നതും സമന്വയിക്കപ്പെടുന്നത് എന്ന അറിവിലൂടെയാണ് നോമ്പ് ക്രമപ്പെട്ടത് എങ്കിൽ തീർച്ചയായും ഖൽബിൻ കനിവിൻ പ്രഭ നാം അനുഭവിക്കുക തന്നെ ചെയ്യും✨✨✨✨

ഖുർആൻ പറഞ്ഞ വ്രത ലക്ഷ്യം:തഖ് വ.   

ഹദീസ് പറഞ്ഞ വിശേഷണം: റഹ്മത്ത്

അവ രണ്ടിനെയും സമന്വയിപ്പിക്കുന്ന   ഇൽമിലൂടെയുള്ള പണ്ഡിത ഉൽബോധനം,,അതാണ് ആദ്യ പത്ത് നോമ്പുകാലം.

നോമ്പുകാരന്റെ അടിസ്ഥാനമാണത്.  'ആയാത്തു സ്സ്വിയാമി' ലെ പ്രധാനപ്പെട്ട ഒരു ഉണർത്തൽ ഇൽമ് ആകുന്നു എന്നത് ഇവിടെ പ്രത്യേകം ശ്രദ്ധിയ്ക്കുക.

📚🌙

മേൽപറഞ്ഞ ജ്ഞാന ബോധനം കൊണ്ട്

 ഹൃദയത്തിന്  ഉണ്ടാകുന്ന തുറസ്സാണ്

ആദ്യ നോമ്പുകളിൽ സംഭവിക്കുന്നത്💥 അപ്പോൾ മനുഷ്യനിൽ എന്തെന്നില്ലാത്ത മാറ്റങ്ങൾ സംഭവിക്കുന്നു. 

☔സ്വഭാവത്തിൽ മാറ്റം വരുന്നു.. 

☔പ്രകൃതത്തിൽ മാറ്റം വരുന്നു... 

☔ പെരുമാറ്റത്തിൽ മാറ്റം വരുന്നു... 

☔പ്രകൃതിയിൽ  മാറ്റം വരുന്നു..  

☔നിലപാടുകളിൽ മാറ്റം വരുന്നു..  

☔ഇടപാടുകളിൽ മാറ്റം വരുന്നു..  

☔ നോമ്പുകാരൻറെ _അസ്മ്_ തന്നെ   മാറുന്നു..  

✅എല്ലാ അർത്ഥത്തിലും മാറ്റം വരുന്നു. 

ഈ സമയം

എങ്ങാനും മാറിയിട്ടില്ലേ...? പിന്നെ ഒന്നുകൊണ്ടും മാറുകയും ഇല്ല🔥

ഇത് നമുക്ക് തിരിച്ചറിയാൻ പറ്റണം

 അപ്പോൾ റഹ്മത്ത് കാട്ടിത്തരുന്ന ഹൃദയത്തിൻറെ ഒരു വെളിച്ചമുണ്ട്. 

റഹ്മത്ത് എന്ന കരുണ യാകുന്നൂ അത്. 

🌹

കരുണ എന്നതിന് തിരു നബി (സ) എന്ന അർത്ഥതലമുണ്ട്,വേദം എന്നും അർത്ഥതലമുണ്ട്

അതെല്ലാംതരുന്ന ഹൃദയത്തിൻറെ വെളിച്ചമുണ്ട്. അതാണ് കരുണ കാട്ടുന്ന ഹൃദയപ്രഭ.  ആ ഹൃദയ പ്രഭയിലേക്ക് പ്രവേ ശിക്കലാകുന്നൂ നോമ്പിന്റെ ആദ്യ പത്ത്.✨✨✨

 ഹൃദയത്തിൻറെ ആ  വെളിച്ചത്തിന് 10 ഘട്ടങ്ങളുണ്ട്.  

ആ ഘട്ടങ്ങളെ കുറിച്ചാണ് ഇമാം ഗസാലി(റ) തന്റെ 'അസ്റാറുസ്സൌമി വ മു ഇമ്മാ ഇഹീ' മുഖേന നമുക്ക് പഠിപ്പിച്ചത്. അതാണ് ഷെയ്ഖ് അബ്ദുൽ ഖാദറുൽ ജസാ'ഇരി (റ)വിശദീകരിച്ചു തന്നത്.📚📚

ആ ഇൽമി ലൂടെ  നമ്മൾ ഓരോ നോമ്പ് കൊണ്ട് വന്നുവോ എന്ന പരിശോധന ഏറ്റവും പ്രധാനമാകുന്നു💍

❤ ഹൃദയത്തിന്റെ ആ പ്രഭ ഒതുക്കപെട്ടിരിക്കുന്ന മറകൾ🕸 നീക്കപ്പെട്ട്  ആ പ്രഭ   ഓപ്പൺ ആയി കിട്ടിയോ എന്നതാണ് യഥാർത്ഥത്തിൽ നോമ്പ് ഫലപ്രദമാകുന്നുണ്ടോ ഇല്ലേ എന്ന് പരിശോധിക്കപ്പെടൂ ന്നതിന്റെ അനുഭവ മാന ദണ്ഡം.

 

അത് പരിശോധിക്കേണ്ട ഇൽമാണ് യഥാർത്ഥത്തിൽ നോമ്പ്കാരായ ഉമ്മത്തിനെ  നയിക്കുന്നവരായ  ഇമാമുകൾക്കും ദാ ഇകൾക്കും  ഉണ്ടായിരിക്കേണ്ട ജ്ഞാനായുധം.

അത്

 നേടാൻ വേണ്ടി ആയിരിക്കണം നമ്മുടെ പരിശ്രമം.  

എങ്കിൽ ഇൻശാ അല്ലാഹ്‌ ഈ റമദാൻ ശരീഫ് എല്ലാ അർത്ഥത്തിലും നമ്മുടെ ഒരു വലിയ മാറ്റം ആയിരിക്കും...  ഒരു പ്രകാശ ലോകത്തേക്കുള്ള പ്രവേശനം ആയിരിക്കും..✨✨✨✨🌟🌟🌟🌟

ഇന്ന് യാസീൻ മസ്ജിദിൽ ചില പ്രബോധകരോട്  പറഞ്ഞ കാര്യങ്ങൾ ഇങ്ങിനെ അലങ്കരിച്ചതിന് നന്ദി.,ഹർഷദ്

Life coping skills എന്നൊരു കല

"തോറ്റുപോയി, എല്ലാ അർത്ഥത്തിലും" എന്ന് ചുവരിൽ എഴുതി വച്ച് ഒരു ഗവ.ഡോക്ടർ ആത്മഹത്യ ചെയ്തു എന്ന വാർത്തയാണ് ഇന്നലെ രാവിലെ വായിച്ചത്.

വല്ലാതെ സങ്കടം തോന്നുന്നു.

എത്ര പരീക്ഷകളുടെ കടമ്പ കടന്നിട്ടാകും അയാൾ ഡോക്ടറായത്. പിന്നീടും എത്രയോ കടമ്പകൾ പിന്നിട്ടാണ് ഗവ. മെഡിക്കൽ ഓഫീസർ പദവി നേടിയിട്ടുണ്ടാകുക. എന്നിട്ടും, അദ്ദേഹത്തിനു പറയേണ്ടി വരുന്നത് തോറ്റുപോയി എന്നാണ് !

ജീവിതത്തോട് തോറ്റു പോകുന്ന മനുഷ്യർ..!

ഡോക്ടർ മാത്രമല്ല... അഭിഭാഷകർ,ബാങ്ക് ഉദ്യോഗസ്ഥർ... അധ്യാപകർ... ഗവ. ഉദ്യോഗസ്ഥർ... സാധാരണക്കാർ... തൊഴിലാളികൾ... യുവതീ യുവാക്കൾ... പെരുക്കപ്പട്ടിക ഭീതി ജനകമാണ്.

തോറ്റുപോയെന്ന് സങ്കടപ്പെട്ട് ഉപേക്ഷിച്ചു പോകുന്നവർ.

Life coping skills എന്നൊരു കല മാത്രം നാമെവിടെയും അഭ്യസിക്കുന്നില്ല എന്ന വലിയൊരു കുറവുണ്ട് നമ്മുടെ വിദ്യാഭ്യാസത്തിലും ജീവിതത്തിലും.

അവനവനെ തന്നെ സ്നേഹിക്കുക എന്നതു പ്രധാനമാണ്. മറ്റാരും സ്നേഹിച്ചില്ലെങ്കിലും പ്രോൽസാഹിപ്പിച്ചില്ലെങ്കിലും സ്വയം സ്നേഹിച്ചും സ്വന്തം തോളിൽ തട്ടി പ്രോൽസാഹിപ്പിച്ചും, കൊച്ചു കൊച്ചു നേട്ടങ്ങളിൽ സ്വയം അനുമോദിച്ചും സ്വയം മുന്നോട്ടു പോകാനുള്ള ഊർജം ഉള്ളിലുണ്ടാകുക ആവശ്യമാണ്.

സ്വന്തം സന്തോഷത്തിന്റെ താക്കോൽ മറ്റാരെയും ഏൽപ്പിക്കാതിരിക്കുക എന്നതാണ് മറ്റൊന്ന്. അവർ മുഖം തിരിച്ചാൽ, അവർ അവഗണിച്ചാൽ, ഒറ്റയ്ക്കായിപ്പോയാൽ ഉടൻ തകർന്നു വീണു പോകുന്നവരാകാതിരിക്കുക എന്നതും വളരെ പ്രധാനമാണ്. ആരുമില്ലെങ്കിലും ഞാൻ മുന്നോട്ടു തന്നെ പോകും എന്ന ദൃഢനിശ്ചയത്തിന്റെ പേരാണ് ജീവിതം.

പണിയെടുത്ത് മേലധികാരികളെ പ്രീതിപ്പെടുത്താനോ, പണവും സമ്മാനങ്ങളും കൊണ്ട് കുടുംബാംഗങ്ങളെ തൃപ്തിപ്പെടുത്താനോ കഴിയില്ല എന്നു തിരിച്ചറിയുക. മറ്റുള്ളവരുടെ കയ്യടികൾക്കും നല്ല വാക്കുകൾക്കും വേണ്ടി ജീവിക്കുന്നത് വഴി നിരാശ മാത്രമാകും ഫലം. Use and throw ആണ് പല ജോലിയിടങ്ങളുടെയും പല ബന്ധങ്ങളുടെയും അടിസ്ഥാന നയം എന്നു തിരിച്ചറിയുന്നത് നല്ലതാണ്. ആവശ്യം കഴിഞ്ഞ് വലിച്ചെറിയപ്പെട്ടു എന്നു വിലപിക്കേണ്ടതില്ല. റോൾ തീർന്നാൽ നിശബ്ദമായി പിൻമാറി നിൽക്കാനും പഠിക്കേണ്ടതല്ലേ.? 

അജാതശത്രു എന്നൊരു പ്രയോഗമുണ്ട്. ശത്രുവായി ഇനിയും ആരും ജനിച്ചിട്ടു പോലുമില്ലാത്തയാൾ എന്നാണർത്ഥം. അങ്ങനെയൊരാൾ ഈ ഭൂമിയിലില്ല. എല്ലാവർക്കുമുണ്ടാകും ശത്രുക്കൾ. ശത്രുക്കളുണ്ടാവാൻ മോശം കാര്യങ്ങൾ ചെയ്യണമെന്നില്ല. നന്നായി ജീവിച്ചാലും മതി. നന്നായി പണിയെടുത്ത്, നല്ല പേരുണ്ടാക്കി, ഉള്ളതു കൊണ്ട് സ്വസ്ഥമായി ജീവിക്കുന്നതു കണ്ടാൽ സഹിക്കാനാകാത്തവരുണ്ട് എന്ന് തിരിച്ചറിയുന്നതു നല്ലതാണ്. അത് സ്വന്തം കുടുംബത്തിൽ പോലും ഉണ്ടാകാം. അതിന്റെയൊന്നും പേരിൽ ഉള്ളു നൊന്തിരിക്കേണ്ടതില്ല. അതും പ്രതീക്ഷിക്കണം ജീവിതത്തിൽ.

A shoulder to lean on, മുഖം ചായ്ക്കാനൊരു ചുമൽ, ജീവിതത്തിലുണ്ടെങ്കിൽ നല്ലതാണ്. മന:സംഘർഷങ്ങൾ പറയാനും, ലജ്ജ തോന്നാതെ കരയാനും, തുറന്നു സംസാരിക്കാനും ഭാരങ്ങളിറക്കി വയ്ക്കാനും കഴിയുന്നൊരു ചുമൽ. ഒരു പാട് നാൾ കൊണ്ടേ അങ്ങിനൊരാളെ കണ്ടാത്താനാകൂ. ചിലപ്പോൾ കണ്ടെത്തിയില്ല എന്നും വരാം. അങ്ങനെയെങ്കിൽ ഒറ്റയ്ക്കു നടക്കാനുള്ള ധൈര്യം ആർജിച്ചെടുക്കേണ്ടി വരും. 

Positive self talk എന്നൊക്കെ എല്ലാവരും പറയും. സ്വയം സംസാരിക്കൽ. സ്വയം പ്രചോദിപ്പിക്കൽ. അതിന് കഴിഞ്ഞില്ലെങ്കിലും negative self talk ശീലിക്കാതിരിക്കുക. "എന്നെയാർക്കും വേണ്ട" "എന്റെ ജീവിതം തീർന്നു" തുടങ്ങിയ emotional പ്രയോഗങ്ങളെല്ലാം negative self talk ആണ്. ലഹരി ഉപയോഗിക്കുക കൂടി ചെയ്യുന്നവരിൽ ഇത് കൂടുകയും ചെയ്യും. ജീവിച്ചു മുന്നേറാനും യുക്തിയോടെ ചിന്തിക്കാനുമുള്ള ആത്മധൈര്യമാണ് ഇതിലൂടെ ചോർന്നു പോകുന്നത്. 

പെട്ടെന്ന് ഒരു പഴയ സുഹൃത്ത് പ്രത്യക്ഷപ്പെട്ട് പണക്കിഴി നൽകി സഹായിക്കുന്നതു പോലുള്ള അൽഭുതങ്ങൾ പ്രതീക്ഷിക്കാൻ ജീവിതം അമർചിത്രകഥയല്ല. ജീവിതത്തിന് അതിന്റേതായ struggling period ഉണ്ട്. അതു കടന്നു പോകുവോളം സമചിത്തമാകുവാൻ പഠിക്കേണ്ടതുണ്ട്. കൈയൊന്നു മുറിഞ്ഞാൽ, അത് കരിയാൻ ഒരു time span ഉണ്ട്. അതു വരെ കാത്തിരിക്കണം. അക്ഷമ കൊണ്ട് മുറിവു കരിയില്ല. ജീവിതത്തിലെ തോൽവികൾ... തിരിച്ചടികൾ... തിരസ്കരണങ്ങൾ... അവമതിപ്പുകൾ... അവയൊക്കെ കലങ്ങിത്തെളിയാൻ ഒരു സമയമുണ്ട്. അവ സമ്മാനിക്കുന്ന മുറിവുകൾ കരിയാൻ സമയമെടുക്കും. അതിലൂടെ കടന്നു പോകാൻ സ്വയം അനുവദിക്കുക.

എപ്പോഴും മറ്റുള്ളവർക്കു വേണ്ടി അധ്വാനിച്ച് ഉരുകിത്തീരുന്ന ത്യാഗദീപമാകാതെ, പിന്നീട് അതിനെക്കുറിച്ച് പരിതപിച്ച് ഉരുകിത്തീരാതെ, അവനവന് സന്തോഷം നൽകുന്ന പോസിറ്റീവായ കാര്യങ്ങൾ ചെയ്യാനും ദിവസവും കുറച്ചു സമയം സ്വന്തമായി മാറ്റി വയ്ക്കുക കൂടി വേണം. പാട്ട് കേൾക്കാനോ... വായിക്കാനോ... ചെടി നടാനോ... നടക്കാൻ പോകാനോ... നിങ്ങളുടെ സന്തോഷം നിങ്ങളുടെ മാത്രം ഉത്തരവാദിത്വമാണ്. മറ്റാരും സന്തോഷമുണ്ടാക്കി നിങ്ങൾക്കു വിളമ്പിത്തരും എന്നു പ്രതീക്ഷിക്കരുത്.

ഒരു ജോലി കിട്ടാൻ സഹായിച്ചേക്കുമെന്നല്ലാതെ മാർക്കുലിസ്റ്റുകളും സർട്ടിഫിക്കറ്റുകളും ജീവിതത്തിൽ വിലപ്പെട്ടതാകുന്നില്ല. നേട്ടങ്ങൾക്കും റാങ്കിനും വേണ്ടിയും ഒന്നാം സ്ഥാനങ്ങൾക്കു വേണ്ടിയും മാത്രം മക്കളെ വളർത്തുന്നവർ മേൽ സൂചിപ്പിച്ച life coping skills അവർ എവിടെ നിന്നാണു പഠിക്കുക എന്നതു കൂടി ചിന്തിക്കണം. അവരെന്നാണ് തോൽക്കാനും, തോൽവിയെ സ്വീകരിക്കാനും അതിജീവിക്കാനും കൂടി പഠിക്കുക.!

             കടപ്പാട് ശ്രീ ജോയ് മാത്യു