ചേലാകർമം ചെയ്യപ്പെട്ട് പ്രസവിക്കപ്പെട്ടവർ

ചേലാകർമം ചെയ്യപ്പെട്ട നിലയിൽ തിരുനബി(സ്വ) പ്രസവിക്കപ്പെട്ടുവെന്ന് മൗലിദ് ഗ്രന്ഥങ്ങളിലുണ്ടല്ലോ. അതു നബി(സ്വ)യുടെ മാത്രം സവിശേഷതയാണോ?

     മൗലിദ് ഗ്രന്ഥങ്ങളിൽ മാത്രമല്ല . മറ്റു ഗ്രന്ഥങ്ങളിലുമുണ്ട്. എന്നാൽ അതു നബി(സ്വ)യുടെ മാത്രം സവിശേഷതയല്ല. നബി(സ്വ) യെ കൂടാതെ പതിമൂന്ന് അമ്പിയാക്കൾ ചേലാകർമം ചെയ്യപ്പെട്ട നിലയിൽ പ്രസവിക്കപ്പെട്ടിട്ടുണ്ട്

ആകെ 14 പേർ .

1) മുഹമ്മദ് നബി 

2) ആദം നബി

3) ശീസ് നബി

4) നൂഹ് നബി

5) ഹൂദ് നബി

6) സ്വാലിഹ് നബി 

7 ) ലൂത്വ് നബി

8 ) ശുഐബ് നബി

9 ) യൂസുഫ് നബി

10) മൂസാ നബി

11) സുലൈമാൻ നബി

12 ) സകരിയ്യ നബി

13 ) ഈസാ നബി

14) ഹൻളല: നബി

(صلى الله عليهم وسلم)

(ഹാശിയത്തുന്നിഹായ: 8/36)

     ഹൻളലത്തുബ്നു സ്വഫ് വാൻ (അ) സമൂദ് ഗോത്രത്തിൽപ്പെട്ട ഒരു വിഭാഗത്തിലേക്ക് അയക്കപ്പെട്ട പ്രവാചകരാണ്. റസ്സ് എന്നാണ് ആ വിഭാഗത്തിൻ്റെ പേര് ' (ഖുർത്വുബി: 2/91)

  ഇബ്റാഹീം നബി(അ) ഒഴികെയുള്ള സർവ്വ അമ്പിയാക്കളും ചേലാകർമം ചെയ്യപ്പെട്ട നിലയിലാണ് പ്രസവിക്കപ്പെട്ടത് എന്നൊരു വീക്ഷണം മുല്ലാ അലിയ്യുൽ ഖാരി(റ) മിർഖാത്തിൽ (4/455) ഉദ്ധരിച്ചിട്ടുണ്ട്.